Page 559 - 1-ci cild

Êøèøòîô Õîèíñêè

Gonbul. Yaltaqlanma. Diz çök.

Fotoqraf diz çökür.

Qalx!

Fotoqraf qalxır.

Bəs “sağ ol”un harda qaldı?
Fotoqraf. Çox sağ olun.
Gonbul. Bitsən, bit. Sənə baxanda adamın ürəyi bulanır.
(Fotoqrafın pencəyinin yaxasından yapışır.) İyrənc oğlu iyrənc!
Yaşlı adam. Buraxın onu, Tanrı xatirinə…
Gonbul. Sən nə soxursan burnunu hər yerə, qoca kaftar? Bu
saat səni…

Çəp gəzişə-gəzişə sağ tərəfdəki qapıya yaxınlaşıb dəstəkdən
yapışır. Araya çökmüş sükut içində
Gonbulun səsi güllə kimi açılır.

Karol!
Çəp (yavaş-yavaş geri çönür). Hə?
Gonbul. Şəfqət bacısı olmaq istəyirsən?
Çəp (dilucu). Tutalım elədi, sonra?
Gonbul. Məsləhət görmürəm.
Çəp. Niyə?
Gonbul. Özünə lazım ola bilər şəfqət bacısı.
Çəp. Mən tamam sağlamam.
Gonbul. Xəstələnə bilərsən.
Çəp. Ağlım kəsmir.
Gonbul. Sənə deyirəm, yaxşısı budu, qayıt yerinə.
Çəp. Açıl başımdan.
Gonbul. Beləsən sən dostluqda?
Çəp (gəlib Gonbulla lap burun-buruna dayanır). İstəsəm,
bu saat çırparam yerə səni. Əlindəki açar da köməyinə çatmaz.

559