Page 53 - 1-ci cild

Jan Batist Molyer

Skapen. Dayanın, dayanın! Belə tez yox da! Hara tələsirsiz?
Leandr (qayıdır). Bəs, səncə, mən nə eləməliyəm?
Skapen. Yaxşı, bəsdir! Sizin də işiniz düzəlib!
Leandr. Ah, diriltdin sən məni!
Skapen. Amma bir şərtlə: mənə icazə verəcəksiz ki,
atanızdan intiqam alım. Sizə məndən qeybət elədiyinə görə.
Leandr. Nə istəyirsən, elə.
Skapen. Bax, şahidin yanında boyun olursuz a!..
Leandr. Əlbəttə.
Skapen. Onda alın, bu da sizin beş yüz ekü.
Leandr. Tez gedək, mənim əziz Zerbinettamı qurtaraq!

ÜÇÜNCÜ PƏRDƏ

Birinci gəliş

Zerbinetta, Qiasinta, Skapen, Silvestr.

Silvestr. Bəli, bizim cavan ağalar bu qərara gəldilər ki, siz
bir yerdə olasız. Biz də, neyləyək, onların dediklərinə əməl edirik.

Qiasinta (Zerbinettaya). Belə qərardan gözəl nə ola bilər?
Belə bir rəfiqəyə mən ancaq şad ola bilərəm. Gəlin biz də, Oktavla
Leandr necə dostdurlarsa, eləcə rəfiqə olaq!

Zerbinetta. Mən razı! Dostluğa həmişə hazıram.
Skapen. Bəs məhəbbətə?
Zerbinetta. Məhəbbət tamam başqa şeydi. Məhəbbət
təhlükədi, mən isə bir o qədər cəsarətli deyiləm.
Skapen. Elə bilirəm, mənim ağama qarşı ədalətli deyilsiz…
Sizinçün o qədər yaxşılıqlar edib ki, onun məhəbbətinə cavab
verməyəcəksiz?
Zerbinetta. Mən onun məhəbbətinə axıra qədər
inanmıram… Mənimçün elədikləri hələ çox azdı. Mən hələ də
ona tam etibar etmirəm. Düzdü, şənlənməyi, çalıb-oynamağı

53