Page 361 - 1-ci cild

Æàí Ïîë Ñàðòð
Veronika (şlyapasını başına qoyaraq). Mən səninlə
gedəcəyəm. Belə daha yaxşı olar.

İkinci gəliş

Onlar, eləcə də pəncərədən içəri girən
Boduen və Şapyui.

Şapyui. Salam, Nekrasov!..
Boduen. …müfəttiş Hoble səni axtarır…
Şapyui. …qorxma, biz səni ona vermərik...
Veronika. Hər şey bitdi.
Jorj. Bilmək olmaz! Mənim dahiyanə təfəkkürüm
mənimlədir. Bəlkə, mənim ulduzum hələ sönməyib!?
Boduen. Gedək, Nekrasov! Bura sənin üçün təhlükəlidir…
Şapyui. …bu qız kommunistlərlə him-cim edir…
Boduen. …bəlkə, ona tapşırıblar səni öldürsün?
Jorj. Mən dələduz Jorj de Valerayam. Tələb edirəm ki, məni
müfəttiş Hoble həbs etsin.
Şapyui (Veronikaya). Yazıq Nekrasov…
Boduen (Veronikaya). …sənin rus dostların onun arvadını
və uşaqlarını həbsxanaya salıblar…
Şapyui. …onların da dərdi bu bədbəxti dəli edib…

Boduen qapını açır, iki sanitar içəri daxil olur.

Üçüncü gəliş

Eyni adamlar və sanitarlar.

Boduen (Jorju göstərərək, sanitarlara). Budur. Onunla
yavaş rəftar etmək lazımdır…

Şapyui. …Nekrasov, sən mütləq dincəlməlisən…
Boduen. …səni ən yaxşı sanatoriyaya aparacaqlar.

361