Page 261 - 1-ci cild

Æàí Ïîë Ñàðòð

Jül. Yaramır. Amerika təhlükə yaratmır. Amerika rahatlıq
gətirir, sakitlik yaradır…

Periqor. “Amerikanın sükutu insanları sakit edir”!
Jül. Sakit edir? Amma aksiya sahibləri məndən əl çəkmir!
Bəs onlar nə deyəcək, hə? Mən bütün səhifə boyu yazacağam ki,
“sakit edir”, hamı doğrudan-doğruya sakitləşəcək, heç kim də
qəzet almayacaq…
Tavernye (əlini qaldıraraq). “Sovet İttifaqının təhlükəli
sükutu”!
Jül. Sovet İttifaqı elə tək səni həyəcanlandırır, hə? Bəs
Hidrogen bombası yadından çıxıb? Bu nədi, uşaq oyuncağı-zaddı
səninçün?
Periqor. Mən təklif edirəm, iki yerə bölək. Aşağıda: “Sovet
İttifaqının təhlükəli sükutu…”, yuxarıda: “Amerika əhəmiyyət
vermir”.
Jül. Səfeh təklifdi. Əgər sükut təhlükəlidirsə, Amerika bunu
ciddi qəbul etməlidir!
Periqor. “Vaşinqton Sovet İttifaqının təhlükəli sükutunu nə
şişirdir, nə də kiçildir”.
Jül. Bu da!.. Bu nədi, qəzet başlığıdı, yoxsa elmi disser-
tasiya? Başlığın ritmi hanı? Qısa olsun, dinamik olsun!.. Başlıq
qəzetdə rəqs etməlidir!.. Bax Amerikada bunu bacarırlar!.. Mənə
deyin görüm, siz niyə amerikalı deyilsiz?
Tavernye. Heç nə baş vermir də, neyləyək? Bir Mərakeşdə
on yeddi nəfərin öldürülməsidi…
Periqor. …iki intihar, Truvildə ağır bir xəstənin sağalmasıdı,
diplomatik nota, brilyantların oğurlanması…
Tavernye. …dörd avtomobil qəzası, iki sərhəd hadisəsi…
Vəssalam!
Jül. Bir sözlə, heç nə!

Telefon zəng çalır. Fifi dəstəyi qaldırır.

Kimdi?

261