Page 264 - "Yeni söz"

nc yazarların ədəbiyyat almanaxı

başqa adam üçün darıxmalı,
başqa ümidlərlə yaşamalı,
başqa içkilərlə sərxoş olmalıyıq...

tanış adamlarla,
tanış küçələrlə
tanış dinlərlə də
tanrını asan tapırıq.
asan dönük çıxırıq
tanış günahlarla da…

nəsə
başqa dünya olmalı
tanış olmasın günahı
tanış olmasın allahı
tanış olmasın qadını...

nəsə
başqa ömür olmalı
tanış açılmasın sabahı…

sən də gec olmadan dəyişməlisən

nəsə
başqa cür olmalısan mütləq.
ya da
mən tamam başqasına vurulmalıyam…

nəsə
başqa cür olmalıyıq necəsə…

264