Page 120 - "Yeni söz"

nc yazarların ədəbiyyat almanaxı

Şairlər

Biz hər axşam evə iki çantayla gəldik,
birində kitab, birində çörək oldu,
birinci çörək olan çantamızı boşaltdılar.

Biz quşları da övladımız kimi sevdik,
ovcumuzdan su əmdi sərçələr.
Biz atomlara siqaret yandırdıq,
tufanlara saç daradıq.
zəlzələ keçsin deyə
ayağımızı yerə dayadıq.

Biz şeir yazdıq,
nəğmə oxuduq
kinoya tələsdik.
Siz – otağa, yatağa, villaya.
Biz sizinlə görüşmədik,
biz sizinlə rastlaşdıq ancaq...

Nə istəyirsiz?

Nə istəyirsiz,
zəncirlərə vurulsun köpəklərimiz?
Yoxsa qandallara aşiq olsun qolumuz?

Şüşə üstünə çıxarmısınız yalın ayaqlı həqiqətlərimizi,
unutmayın, hər həqiqət bir pəhləvandır.
Ədalət, Sokrat demiş, qızılgül misalıdı,
budadıqca daha sərt tikanlarla boy atır.
Siz bu naqqal bağbanlıqdan usanmadıqca.
biz kürəyimizi taleyimizə sultan taxtı kimi söykəyirik.

120