Page 79 - Miisir

Bäkkar kitabxanada

Bәkkar kitabxanaya gedәndә yolda Hәmmam vә Hәssunә ilә rastlaşdı.
Salamlaşdıqdan sonra Hәmmam Bәkkarı onlarla oynamaq üçün çağırdı. Bәkkar
üzrxahlıq edib dedi:
– Mәn kitabxanaya gedirәm.
Bәkkarın dediklәrinә tәәccüblәnәn Hәmmam Hәssunәdәn soruşdu:
– Nә üçün Bәkkar oxumağı oynamaqdan üstün tutur?
Bәkkar kitabxanada oğlan vә qızların sakit-sakit oturub, hәvәslә oxuduqlarını
gördü. Dәnizin dәrinliklәri haqqında gözәl bir kitab seçdi vә açıb oxumağa başlayan
kimi dalğıc olduğunu tәsәvvür etdi: “Bәkkar dәnizin dibinә endi, orada rәngarәng,
gözәl balıqlara vә mәrcanlara tamaşa etdi. Qorxulu köpәk balıqları vә balinalarla
rastlaşdı, bir mehriban delfinin belinә mindi. Kitabın sonunda onların hamısı ilә
vidalaşdı vә söz verdi ki, bir dә yanlarına gәlәcәk”.
Bәkkar bu gözәl kitabı yerinә qoyub, meşә heyvanları haqqında başqa bir kitab
götürdü. Oxumağa başlayan kimi özünü meşәdә gәzәn bir sәyyah tәsәvvür etdi:
“Bәkkar nadir quşlara vә qәribә bitkilәrә tamaşa etdi. Birdәn yırtıcı şirlәrin
qarşısında olduğunu gördü. Sonra ağıllı şimpanze meymunları onu böyük vә gözәl
ağaclar arasında gәzdirdilәr. Kitabın sonunda bütün heyvanlarla vidalaşdı vә söz
verdi ki, bir dә yanlarına gәlәcәk”.
“Hәlә başqa bir kitab da oxumağa vaxtım var” – düşünәrәk, meşә haqqındakı
kitabı yerinә qoyub, kosmos haqqında başqa bir kitab götürdü. Oxumağa başlayan
kimi özünü kosmonavt tәsәvvür etdi: “O, ulduzlar vә planetlәr arasında yeni bir 79
raket sürdü. Kosmosdan gördüyü Yer kürәsinin gözәlliyi onu valeh etmişdi. Tәbii ki,
kosmik gәmi ilә kitabxananın yanında Yerә endi”.
Bәkkar kitabxanadan çıxanda şad görsәnirdi. Hәmmam vә Hәssunә ona tәәccüblә
baxaraq, bir-birindәn soruşdular:
– Nә üçün Bәkkar bu qәdәr şaddır?!