Page 47 - "Dünya yuxutək əriyir..."

Dünya yuxutək əriyir...

Pәrvanә

Dayan, dur, pәpvanә, qanad saxla bir!
Niyә can atırsan sәn o işığa?..
Geri dön, pәrvanә, qorx ki, o sәni
Sübh açılanacan yandırıb-yaxa.

Qanadların ipәk, incә mәxmәrdәn,
Görәnlәr vurular, heyran qalarlar.
İşıq mәkrlidi, bu dünya kimi,
Bizi hәm yaradar, hәm dә yandırar.

Dayan, dur, ay әziz pәrvanәm mәnim,
Yalan deyirsәn ki, intizar üzmür.
Axı görürәm mәn, necә tәnhasan,
İşıq sevdasıyla uçursan nә cür.

Sәn çox sadәlövhsәn, balaca dostum,
Yoxdu ürәyindә peşmanlıq izi.
Nifrәti görmürsәn dörd tәrәfindә
Sәni bürüyübdü tәk sevgi hissi.

Leyla Əliyeva