Page 303 - "Bildirçin və payız"

Ùåêàéÿëÿð

vә onun bacısı Dövlәt xanımla qiyabi tanışlığına mәhz
bu ayaqqabıların sәbәb olduğunu xatırladı. Beynindә
yenә fantaziyalar canlandı: Əmin Əlinin dükanına
daxil olanda qapıda bir nәfәrlә üz-üzә gәlir. Sonra
çәkmәçiyә:

– Mәnә dә o adamın ayağında olan ayaqqabıdan
birini düzәldә bilәrsәn? – sual edir.

Çәkmәçi gülümsәyәrәk deyir:
– Gözәl ayaqqabıdır, ancaq bahalı olduğundan elә
dә çox sifariş edilmir.
Amir bir qәdәr tәrәddüd etdikdәn sonra soruşur:
– Bu adam kimdir?
– Hisam Feyzi. Mәmurdur. Hansı nazirlikdә
işlәdiyini bilmirәm, amma sizin kimi o da mәnim
köhnә müştәrilәrimdәndir.
– Bәs yanındakı xanım kim idi?
– Bacısı Dövlәt xanım.
– Yәqin ki, yaşadıqları ünvanı bilirsәn?
Artıq hәr şeyi başa düşәn çәkmәçi:
– Bikriyә yaxın olan Mitvalli küçәsindә, on dörd
saylı binada, – deyir.
Yalnız evә çatanda bu xәyallardan ayıldı.
Makinanın arxasına әylәşib başıbәlalı mәktubu
yazmağa başladı. Yazıb qurtardıqdan sonra onu zәrfә
qoyub poçt qutusuna atdı. Son bir neçә gündә ilk dәfә
idi ki, belә rahat idi.

***
Ofisdә başı bәrk işә qarışmışdı. Birdәn qulağı tanış
sәs çaldı:

303