Page 513 - "Azərbaycan ədəbiyyatı antologiyası" (Poeziya)

da hәm atayam, Ramiz Qusar÷aylû
burda hәm uşaq,
Yaxından yaxınam, 513
uzaqdan uzaq...
Atamın yasını özümdәn qabaq
Bir bülbül saxladı,
bir qaratoyuq.

Qeybәt qıyma-qıyma kәsәndә mәni,
Heç kәsәn duymadı küsәndә mәni...
Deyim kim bağladı bu kәndә mәni
Bir bülbül bağladı,
bir qaratoyuq...

Yuxu

Bu yuxu gör harda haqladı mәni,
Torpağın altında,
Yerin gözündә.
Bu yuxu gör harda ağladı mәni,
Ağlaya bilәrdim elә özüm dә...

...Gecәlәr yuxumu әrşә çәkәnlәr,
Sәhәrlәr yuxuma bal qatıb mәnim.
Ayıq baxışlara yuxu әkәnlәr,
Yuxu becәrәnlәr aldadıb mәni.

O xәzәl illәrin sarısı dәn-dәn,
Yerindә inadım yarpaqlayıbdı.
Yuxulu günlәrim quyu dibindә
Özü öz üstünü torpaqlayıbdı.

Nә çıxar tәzәdәn kükrәyәm, daşam,
Yuxulu әllәrim heç yana çatmır ,
Özüm illәr boyu yatıb qalmışam,
Sinәmdә hisslәrim qiyamı yatmır...