Page 35 - "Azərbaycan ədəbiyyatı antologiyası" (Poeziya)

Ìÿùÿììÿä Ôöçóëè

*** 35

Mәni candan usandırdı, cәfadan yar usanmazmı?
Fәlәklәr yandı ahimdәn, muradım şәmi yanmazmı?

Qamu bimarinә canan, dәvayi-dәrd edәr ehsan,
Neçin qılmaz mәnә dәrman, mәni bimar sanmazmı?

Qәmim pünhan tutardım mәn, dedilәr yarә qıl rövşәn,
Desәm ol bivәfa bilmәn, inanarmı, inanmazmı?

Şәbi-hicran yanar canım, tökәr qan çeşmi-giryanım,
Oyadar xәlqi әfğanım, qara bәxtim oyanmazmı?

Güli-rüxsarinә qarşu, gözümdәn qanlı axar su,
Hәbibim, fәsli-güldür bu, axar sular bulanmazmı?

Deyildim mәn sәnә mail, sәn etdin әqlimi zail,
Mәnә tәn eylәyәn qafil, sәni görcәk utanmazmı?

Füzuli rindü şeydadır, hәmişә xәlqә rüsvadır,
Sorun kim, bu nә sevdadır, bu sevdadәn usanmazmı?

***

Pәnbeyi-daği-cünun içrә nihandır bәdәnim,
Diri olduqca libasım budur, ölsәm kәfәnim.

Canı canan dilәmiş, vermәmәk olmaz, ey dil!
Nә niza eylәyәlim, ol nә sәnindir, nә mәnim.

Daş dәlәr ahim oxu şәhdi-lәbin şövqindәn,
Nola zәnbur evinә bәnzәsә beytül-hәzәnim,

Tövqi-zәnciri-cünun daireyi-dövlәtdir,
Nә rәva kim, mәni ondan çıxara zәfi-tәnim.