Page 319 - "Azərbaycan ədəbiyyatı antologiyası" (Poeziya)

Arif Abdullazadÿ

Bursa Nazim şәrәfinә çevrilir, 319
zülmәtlәrdә әriyir kölgәsi
günәşә ox atanların,
üzünü dünyaya tutur
Van Qoqun günәbaxanları,
brunolar әsr-әsr yana-yana
tonqallardan boylanır,
Yer kürәsi açıq-aşkar fırlanır
zamanların acığına.
Nә qәdәr ki, mavi, bәyaz hisslәrin
qollarını qaraldacaq buxovlar,
nә qәdәr ki,
yersiz gәldi, yerli qaç var,
insanlığın sәrhәddinin keşiyindә
dayanacaq insanlar,
zamanlardan öz alacaq zamanlar.
Әllәrimiz uzanacaq,
Sәslәrimiz sәs anacaq, söz anacaq
Tarixlәrin әn әlçatmaz uzağından
Zamanların acığına.
zamanların acığına
zaman-zaman tonqallarda yana-yana,
nizәlәrdә bişә-bişә
zamanlara qәh-qәh çәkib güldük biz,
zamanların acığına
bu dünyaya gәldik biz!