Page 120 - "Azərbaycan ədəbiyyatı antologiyası" (Poeziya)

Azÿrbaycan ÿdÿbiyyatû antologiyasû

Yadıma düşdü

Başına döndüyüm gülüzlü sona!
Ömrümün ilk çağı yadıma düşdü.
Şairlәr vәtәni bizim tәrәflәr,
Tәrlanın oylağı yadıma düşdü.

Oxuyun qәlbimi dastan içindә,
Ürәk döyünmәzmi astan içindә?
Payızın fәslindә bostan içindә
Şamamanın tağı yadıma düşdü.

Töküldü kağıza sinәmin sözü,
120 O ana yurdumun ocağı, közü,

Ceyranın duruşu, durnanın gözü,
Kәkliyin ayağı yadıma düşdü.

Hanı at sürdüyüm boranda, qarda?
Gәzdim aşıq kimi min bir diyarda,
Gülüb oynadığım toyda, mağarda,
Qızların qolbağı yadıma düşdü.

Göylәrә baş çәkir Göyәzәn dağı,
Axşam açıq olur ayın qabağı.
Bizim gәlinlәrin bayramqabağı
Fәsәli yaymağı yadıma düşdü.

Sәn bizim ellәrin ruhuna bir bax!
Bizdәn incimәmiş bir әziz qonaq.
Nişanlı qızların görüşdәn qabaq
Telini saymağı yadıma düşdü.

Vurğunun xәyalı gәzdi aranı,
Gözümdә oynadı dağın boranı:
Qışın buz qatığı, yayın ayranı,
Payızın qaymağı yadıma düşdü.