Page 116 - "Azərbaycan ədəbiyyatı antologiyası" (Poeziya)

Azÿrbaycan ÿdÿbiyyatû antologiyasû

Anlayar mәni

Tәbiәt böyükdür, әzәmәtlidir,
Qәlbindә saxlayır min sirr, min hikmәt...
İnsanla әl-әlә verdiyi zaman,
Daha da qüdrәtli olur tәbiәt...

Yaradanı olmuş әsrlәr boyu,
Möcüzәlәr dolu neçә әsәrin.
116 Ondan öyrәnmişik... odur memarı,
İlkin sәnәtkarı gözәlliklәrin.

Ölçüsü-biçisi tәbiәt olmuş
Bizim ataların, dostun, tanışın.
Onların dilindәn düşmәmiş bir gün
Arzusu baharın, qayğısı qışın...

Qürurum dağların zirvәsindәdir –
Onunla köklәnib könlümün simi.
Sәsim ağ çayların gur sәsindәdir –
Mәn ondan almışam ilkin dәrsimi.

Pәrәstiş edirәm tәbiәtә mәn,
Sonra görәn, bilәn danlayar mәni...
Dilim tәbiәtә bir az yaxındır,
Danışsam tәbiәt anlayar mәni.