Page 348 - Turk_Edebiyyati_Antologiyasi

Türkiyə ədəbiyyatı antologiyası
348
ALOV KİMİ

Alov kimidi şairin xanımı
Hara getsә onunla qarşılaşır
onun tutduğu güzgüdә görür şair
sonralar şeirә dönәcәk әlamәtlәri.

Alov kimidi şairin xanımı
Qaşlarının bir-birinә dәyәcәk qәdәr
yaxın olması vә dәymәdәn qalması,
az qala çiyinlәrә doğru axması
vә durması saçlarının boynunda elәcә –
yaşadır şairә yenidәn
başının hәrlәnmәyini
baxdığı zaman uçurumun kәnarından.

Daim açıq kitabından gözlәrinin
oxuduğu sәtirlәrlә çatdırdı qәlbini,
daim düzüb-qoşan әllәrindәn öyrәndi
nә vaxt bir işә girişdisә
istәdiyini alanadәk әl çәkmәmәyi.

Ərmağandı. Günәşli günlәrin
soldurammadığı alov, söndürә bilmәdiyi
yeri-göyü qovuşduran fırtınanın belә
Kiçik alovdu. Hәssas vә titrәk.