Page 26 - Turk_Edebiyyati_Antologiyasi
P. 26
Türkiyə ədəbiyyatı antologiyası
26
AĞLADARSAN
A bülbülüm, qәrib-qәrib
Ötmә, mәni ağladarsan.
Varıb yadlar arasında
Yatma, mәni ağladarsan.
Bülbül kimi zardır işim,
Axıtdım çeşmimin yaşın.
Düyünlәnib hilal qaşın,
Çatma, mәni ağladarsan.
Aşıq olan neylәr malı,
1
Ağlamaqdır anın karı.
Sevdiyim, qarşımdan barı
Getmә, mәni ağladarsan.
Der ki, Aşıq sәnә quldur,
Əzәldәn bildiyin haldır.
Ya azad eylә, ya öldür
Satma, mәni ağladarsan.
DÜNYANI GƏZDİM, DOLAŞDIM
Dünyanı gәzdim, dolaşdım,
Ayrılıq kimi dәrd olmaz.
Dadlı canımdan usandım,
Ayrılıq kimi dәrd olmaz.
Haçan döndüm yara baxdım,
Gözümdәn qanlı yaş tökdüm.
Gәzdim, hәr bәlanı çәkdim –
Ayrılıq kimi dәrd olmaz.
1 Anın – onun
