Page 174 - Turk_Edebiyyati_Antologiyasi
P. 174
Türkiyə ədəbiyyatı antologiyası
174 Bir zәncir istәyirәm, hirsimi bağlayacaq,
Bir yanğın istәyirәm, içimi dağlayacaq,
Bir ana istәyirәm, üstümdә ağlayacaq…
Bir bilinmәz qalanı fәth etmәk tәk başına,
Vurulub düşmәk birdәn son bürcün son daşına,
Uzanan bir cüt dodaq gözlәrimin yaşına….
Bir ilham istәyirәm, bir gün vәhyә erәcәk,
Bir cüt göz istәyirәm, can evimi görәcәk,
Bir sevgi istәyirәm, ömürboyu sürәcәk…
Bir mehrab istәyirәm, önündә diz çökmәyә,
Bir az yer istәyirәm, körpә fidan әkmәyә,
Vә toxum istәyirәm, boş tarlama sәpmәyә…
Bir yapı – tәmәlinә әlimlә daş qoyacaq,
1
Bir sevgili – hәr dәrdim gözündә yaş qoyacaq,
Bir iman istәyirәm, uğrunda baş qoyacaq.
İKİ SƏS
Bayırdan hәr kәs: – Görmәmiş ol, sovuş…
İçimdәn bir sәs: – Danış, danış, danış!
Bayırdan hәr kәs: – Bax, belә, ağıllı, yavaş…
İçimdәn bir sәs: – Savaş, savaş, savaş!
Bayırdan hәr kәs: – Qaydasında işin,
İçimdәn bir sәs: – Düşün, düşün, düşün!
Bayırdan hәr kәs: – Faydalan, döz birtәhәr…
İçimdәn bir sәs: – Sәhәr, sәhәr, sәhәr…
1 Yapı – tikili, әsәr
