Page 173 - Turk_Edebiyyati_Antologiyasi

173

HƏR YERDƏSƏN, HARDASAN?

Heykәl düzәltmәk üçün dırmandığım dağda sәn,
Çәkicimә ilk dәyәn daşların içindәsәn.

Boynu bükük, kimsәsiz gizlicә ağladımmı,
Ağzıma duzu dәyәn yaşların içindәsәn. Behcət Kamal Çağlar

Uzaqdan hәr qımıltı sәndәn bir xәbәr mәnә,
1
Arxası mәnә dönük başların içindәsәn.
Çiçәyimi bir anda meyvә edәn yayların,
Budağımı sındıran qışların içindәsәn.

Canımdan gәlәr sәsin, hәr yerdәsәn, hardasan?
Gündüz-gecә gördüyüm işlәrin içindәsәn.

Röyama başqaları girsә dә zaman-zaman,
Sәn oyanıq gördüyüm düşlәrin içindәsәn.

İSTƏYİRƏM

Bir çiçәk istәyirәm, mәn baxmasam, solacaq,
Bir qanad istәyirәm, mәni yerdәn alacaq.
Bir günәş istәyirәm, gecә mәndә qalacaq.

Bir mәrmәr istәyirәm, könlümcә oymaq üçün,
Bir qadın istәyirәm, ruhunu soymaq üçün,
Bir cüt diz istәyirәm, başımı qoymaq üçün.

1 Arxası mәnә dönük – mәnә arxa çevirmiş