Page 841 - antologiya - poeziya_175x250_Layout 1
P. 841
Èñmayûl Qarayev
aparacaq, nә xüsusda isә söhbәt edәcәkdilәr. Görünür, Gәncә qubernatorun-
dan vacib tәmәnnası vardır. Onun üzünә ölüm sifәti çökmüşdü. Fikirdәn
başı açılmır, kef-damaq çәkmәk, gözündә uçmurdu. Mütәkkәni dirsәyinin
altında әsәbiliklә xәmir kimi yoğururdu.
Nağı bәy adәti üzrә iltifatını әsirgәmәmişdi. Quş iliyi, can dәrmanı ilә
süfrәni bәzәtdirmişdi. Qubernatorun kefini durultmaqdan ötrü Hәtәmә bal-
aban, Mәdәtә isә saz çalıb-oxumağı, arada qaravәlli danışmağı tapşırmışdı.
Amma mәnbәyindәn bulanan su, deyәsәn, sazla, söhbәtlә durulana
oxşamırdı. Mәdәt oynaq ovşarı havası ilә Koroğludan, Qaçaq Nәbidәn özgә
bir nәşә oxusa da, mәclis yas yerinә oxşayırdı. Qubernatorun donuqluğu
mәclisi cana gәlmәyә qoymurdu. Onun üzünә itaәtkarlıqla baxan,
qablardakı buğlanan xörәklәri görüb udqunaraq qarınları quruldadıqca
yerlәrindә qurcalanan zabitlәr vә qorodovoylar üzdәn özlәrini ağasının
kefsizliyindәn bәdbinlәşәn sәdaqәtli qul kimi aparırdılar. Nağı bәy istәdi 265
qubernatora yanaşıb әrkyana desin: “Cәnab xudavәndi-alәmin qәzәbinә
keçmişik. Dәrdimiz böyükdür. Bu bişәrәf nökәr-naiblәrin yanında qәlbinizi
sıxmayın. Özünüzü şad-xürrәm göstәrin. Onlar bizim qәm dәryasına qәrq
olduğumuzu görәndә sevinirlәr”. Lakin buna cürәti çatmadı. Ona elә gәldi
ki, qubernator pis üz göstәrib, onu rәiyyәtin yanında nüfuzdan salar.
Saray әhli dәrdlәr, әlәmlәr girdabında qalarkәn rahiyyәdar bir sәnәmin
nazu-qәmzәsi kifayәtdir. Çiyinlәrdәn basan iztirablar yükü әriyәr,
buxarlanıb havaya uçar. Qәdd düzәlәr. Üzdә tәbәssüm oynar, gözdә
mәhәbbәt parlayar. Hәr şey unudulub, o gözәl mәxluqla әylәnmәyә qurban
verilәr.
Nağı bәyin arvadı Mahizәr xanımın gәlişi mәclisә belә bir tәsir bağış -
ladı. Onun yaşıl darayı paltarından, torksin şalından, barmaqlarındakı firuzә
qaşlı üzüklәrdәn, yaraşıqlı ağ üzündәn, sürmә çәkilmiş gözlәrindәn sanki
otaq işıqlandı. Qubernatorun tutqun siması o şamdan şölә çәkib ziyasını
әtrafa yaydı. Qubernator Mahizәr xanıma baş әyәndә zabitlәr vә qaradovoy-
lar mәsciddә seyidin arxasında namaza duran mollalar kimi ikiqat oldular.
Mahizәr xanımın:
– Buyurun, – deyib qonaqları yemәyә dәvәt etmәsi, qubernatorun
yuxanı kәsib kәlәm dolmasını әzişdirmәsi mәclisә qeyri-adi şıqqıltı saldı.
Acgöz zabitlәrlә qarınqulu qarodovoylar yemәyin üstünә elә tökülüşdülәr
ki, elә bil külәşliyә bir sürü ac mal doldu.
Hәmişә nökәr-naibi kef mәclisinә buraxmayan qubernatorun bu
axşamkı rәftarı mühakimә gününә kimi ittihamçıların ürәyini yumşaltmaq,
qәzәbini soyutmaq canfәşanlığını xatırladırdı. O, arabir yerindәn qalxıb
mәclisin ayağına, başına keçdi:
