Page 302 - antologiya - poeziya_175x250_Layout 1

Azÿrbaycan ÿdÿbiyyatû antologiyasû

Bu da ki, belә...

Bu bostanı necә әkib-becәrim?!
Yağışı quruyub, su da ki, belә...
Kasadlıq afәtdir; nә fәrqi varmış:
Ya mişovul yesin, ya da ki, belә...

Kotan nәdi, fil qaldırar bu qırğı!
Heç nәdәn yarılır dağların bağrı...
Kor quyudan nә sәs bitәr, nә qarğı:
Dibindә boğulub sәda ki, belә...

Laxlamış bir iman sağ qala, qalmaz!
302
Pozulmuş o hörmәt saqqala qalmaz!
Bir budaq ucunda çaqqala qalmaz;
Nәylә gәlir-gәlsin, qada ki, belә...

Bu qaçqınlıq hardan soya, nәsilә?!.
Axşam nәslә gәlir, sәhәr nәs ilә.
Qorxuram bu torpaq şoran kәsilә:
Göz yaşıyla doyur cada ki, belә...

Sultanheydәr zirvәdәki pir idi!
Ağrıyla üzbәüz, qәlbi bir idi!..
Keytidağda “Qu gölü”müz qurudu;
O göl qudan getdi; qu da ki, belә...

Qaneyәm dünyanın azı-çoxuyla;
Uyuşum tapaydım, ey kaş, yuxuyla;
Aradım sәbrimi “Yahu-Yahu!”yla,
Qәzәbnak olmayıb Xuda ki, belә...

Hәr açan çiçәklә bir bahar sәndim;
Bir qom bәnövşәyә can dәyişәrdim...
Ömrümün boyunu ölçdüm; üşәndim:
İndidәn düşmürәm yada ki, belә...