Page 206 - antologiya - poeziya_175x250_Layout 1

Azÿrbaycan ÿdÿbiyyatû antologiyasû

Soruş

Mǝnim kimliyimi, mǝnim adımı,
Vǝtǝnimdǝn soruş, elimdǝn soruş.
Bu coşqun, bu qaynar ehsasatımı,
O dağlardan enǝn selimdǝn soruş.

Xǝzan da görmüşǝm, çiçǝkli yaz da,
Nǝğmǝtǝk dolandım dildǝ, ağızda.
Solub getmǝmişәm qarda, ayazda,
Mǝni tǝzǝ açan gülümdǝn soruş.

Coşdum dǝniz kimi, çağladım sutǝk,
206
Könüldǝ yaşaram bir saf duyğutǝk,
Mǝni, zǝfǝrlǝrlǝ ötüb gǝlǝcǝk
Günümdǝn, ayımdan, ilimdǝn soruş.

Nǝ vaxt bizim elǝ sǝfǝr eylǝsǝn,
İnanma desǝlǝr daha yoxam mǝn.
Mǝni bahar kimi tǝravǝtli, şǝn,
Qılınctǝk kǝsǝrli dilimdǝn soruş.

Axtar

Dalğanı dǝnizdǝ, harayı seldǝ,
Qıy vurub uçmağı qartalda axtar.
Yüksǝlǝ bilmǝzsǝn sǝn qürbǝt eldǝ,
Adı doğma yurdda, mahalda axtar.

Gǝl çǝkmǝ sorğuya, suala mǝni,
Mǝhǝbbǝt qoyubdur bu hala mǝni.
Lalǝnin eşqini, sǝdaqǝtini,
Köksündǝ qaralan o xalda axtar.

Durnanın qatarı görünsǝ göydǝ,
Quşlar şǝfǝqlǝrǝ bürünsǝ göydǝ,
Ayrılıq dumantǝk sürünsǝ göydǝ,
Bunun hikmǝtini vüsalda axtar.