Page 113 - antologiya - poeziya_175x250_Layout 1
P. 113
Osman Sarûvÿlli
Hәr kim yüz il yaşamasa...
Dostum, incә barmaqların
Sәdәflәrin üzündәdir.
Mәnim meylim bir sazında,
Bir dә şirin sözündәdir.
Qarayazı meşәsindә,
Cavan ovçu hәvәsindә,
Qulağın maral sәsindә,
Gözün ceyran izindәdir.
Tarixi var hәr daşın da, 113
Tәrlanın on beş yaşında,
Bәzәn qarlı dağ başında,
Bәzәn Muğan düzündәdir.
Baxan kimi sәrraf gözün,
Tәmtәraqlı yalan sözün
Canı yoxdur, dedin özün,
Mәna sözün düzündәdir.
Zaya getmәz alın tәrin,
Bir gün bitәr şah әsәrin,
Arzuların, dilәklәrin
Hәlә sәnin gözündәdir.
Söz şairin ürәyindә,
Zor binanın dirәyindә,
Güc pәlәngin bilәyindә,
Pәhlivanın dizindәdir.
Heç әlinә alma әsa,
Yetmişindә batma yasa,
Hәr kim yüz il yaşamasa
Günah onun özündәdir.
