Page 105 - antologiya - poeziya_175x250_Layout 1

ßhmÿd Cavad

Al bayrağa

Gül rәngindә bir yaprağın
Ortasında bir hilal!
Ey Al Bayraq, sәnin rәngin
Söylә, neyçün böylә al!?

Hakim olub bir toprağa,
Ona etmәk böylә naz?
Sәndәn başqa bir gözәlә
Söylә, neyçün yaraşmaz?

Bu bәnzәyiş nәdәn, gözüm, 105
Şәhidlәrin qanına?!
Uğrunda can verәnlәr
Neyçün qıyar canına?!

Yol üstündә dәrdli nәnә
Görür sәni ağlamaz?!
Sәn öylә bir şeirsәn ki,
Sevmәyәnlәr anlamaz!

Ey sevgili bayrağımın
O dalğalı duruşu!
Sandım salam rәsmi sana
Buludların yürüşü!

Sәn ey hilal, al qoynuna,
Aldın göydәn yıldızı!
Mәftun etdin sәn kәndinә,
Әn sevdalı bir qızı!..