Page 613 - 1-ci cild

Ìèøåë Ôåðìî

Fransua. Mənim britvamı yenə kim götürüb?
Ata. Sən zəhmət çək, otur mizin arxasında.
Fransua. Ağlasığan iş deyil e! Bu evdə bir dənə də şəxsi
əşya saxlamaq mümkün deyil! Kim nə istəyir, götürüb işlədir
özüyçün. (Dominikanın otağının qapısını açır.)
Ata. Fransua! Əgər bu saat mizin arxasında oturmasan,
gedib səhər naharını restoranda edə bilərsən.

Fransua Dominikanın otağının qapısını açır. Tamaşaçı
Dominikanı görmür.

Fransua (Dominikaya). Mənim britvamı yenə sən gö-
türmüsən? Mərc edərəm ki, sən götürmüsən! (Guya Dominikaya
müraciətlə.) Hamınızı xəbərdar edirəm: britvamı kimdə görsəm,
onu ağzına basacağam!

Arlen gedir.

Ana. Fransua, əzizim, gəl keç mizin arxasına.
Fransua. Əlbəttə! Britvaları mən almalıyam, amma özüm
yox, bacılarım işlətməlidir.

Fransua vanna otağına girir, tez də çıxır və gəlib mizin
arxasında oturmaq istəyir.

Ata (qışqırır). Dominika!

Dominika gəlir. Hələ də əynindəki pijamadadır. Bilərəkdən
asta-asta hərəkət edir.

(Rişxəndlə.) Əzizim, bizim bu kasıb süfrəmizin arxasında
əyləşib, bizə şərəf verəcəksizmi?

Fransua. O-o-o!.. Elə şey olar? Bizim ulduzumuz
pəhrizdədir!.. Sürtkəcdən keçirilmiş kök, sonra pələng südü…

Ana. Fransua, mən sənə qadağan edirəm!.. Bacını
əsəbiləşdirmə!..

613