Page 89 - "Əvvəl dəniz vardı"

vәl dәniz vardı – 10 Kolumbiya şeiri

Əcnəbinin nəğməsi

Qəsrin qaranlığı yuxuya dalıb,
Uzaq tut ayrılığı, Klaudia qülləsi!
Suyun kölgəsində zəif bəyazlıq –
Sevginin səsi...

Qurub-dağıtdığın bu əfsanənin
Sirrini aç mənə, gizlin səsini,
Pərinin səsiylə yuxuya getmiş
Bəyaz Penelope.

Gizli səltənətə necə girməli,
Qapını bağlayıb, məni güdürsən.
Sənin axşamında azıb əcnəbi,
Güdür qaranlığı –
Adanın bəyazlığı.

Meşənin içiylə o kimdi gələn,
Qanadlı maraltək ay işığında.
Klaudia adası, sənin sorağına
Bu qədər əzaba qatlaşıb gəlir.

Həqiqətə sarı əl uzanıb, əl.
Ölümün də unutduğu meyvəyə...
Əfsanənin bir teli xatirədir,
Bir teli – Yatmış gözəl.

89