Page 121 - "Azərbaycanın enerji siyasəti Qərb mətbuatında"

II FƏSİL

Enerji ehtiyatlarının dünya bazarlarına çıxarılması:
uzaqgörәn siyasәtә tәsdiq, tәrәddüd vә tәhdid dolu

yanaşmalar

Geosiyasi sәyahәt: Azәrbaycan vә Amerika

11 iyun, 2013-cü il
Corc Fridman Amerikanın “Stratfor’’
analitik mәrkәzinin qurucusu vә rәhbәri1

Üç böyük dövlәtin – Rusiya, Türkiyә vә İranın
maraqlarının kәsişdiyi bir yer var – bu, Qafqazdır. Hazırda
onların yolları Azәrbaycan adlı ölkәdә birlәşir. Bu fakt
Azәrbaycanı, üç böyük dövlәtin döyüş meydanına çevirib
vә onlar müxtәlif sәrhәdlәrdә әsrlәr boyu bir-birilәri ilә
mübarizә aparıblar. 1991-ci ilә qәdәr Azәrbaycan, Cәnubi
Qafqazın digәr ölkәlәri kimi, Sovetlәr Birliyinin bir hissәsi
idi. Ancaq Rusiya sәrhәdi şimala doğru çәkildikcә, tarix
bir daha Ermәnistan, Gürcüstan vә Azәrbaycanı üzә çıxardı.
Bu üç ölkә içәrisindә Azәrbaycan üç regional nәhәng ölkә
ilә hәmsәrhәd olmaq kimi geosiyasi mükafat qazanıb.

O, hәmçinin әsas enerji istehsalçısı kimi meydana çıxdı.
XIX әsrin sonunda dünya neftinin yarısı Azәrbaycanda
hasil edilirdi. Paytaxt Bakı әtrafındakı neft yataqları mәşhur
Nobel qardaşları tәrәfindәn inkişaf etdirilib. Mәhz burada
onlar öz sәrvәtlәrini toplayıb. Mәn bir neçә il bundan öncә
dövlәt rәsmilәrinin qonağı kimi, onların evindә nahar
etmişәm. Başqalarının hәmin evdә nә hiss etdiklәrini
bilmirәm, mәn burada, tәcili olaraq Bakını vә Bakı neftini
әldә etmәk istәyәn Hitler vә onun Stalinqraddakı fәlakәtinin,

1 https:/www.stratfor.com/weekly/geopolitical-journey-azerbaijan-and-america

121