Page 480 - "Azərbaycan ədəbiyyatı antologiyası" (Poeziya)

Azÿrbaycan ÿdÿbiyyatû antologiyasû

Mәn yaşamaq istәdim

Bu dünyaya göz açdım, dünya açdı gözümü,
Körpәcә varlığımda gizlәndi fil dözümü.
Haqsızların içindә haqqa tutdum üzümü,
Mәn yaşamaq istәdim,
Mәn yaşaya bilmәdim.

Uşaqlığım sovuşdu ata-anadan uzaq,
Onlara uzaq oldum başdan-binadan uzaq...
480 Adamlara uzaqmış demә bu adam, uzaq –
Mәn yaşamaq istәdim,
Mәn yaşaya bilmәdim.

Gәncliyimә gәlincә öz oduma alışdım,
Bәşәrә dil açdıran söz oduna alışdım.
Yavaş-yavaş dünyanın tәzadına alışdım,
Mәn yaşamaq istәdim,
Mәn yaşaya bilmәdim.

Saçlarıma dәn düzdü illәrimin düzümü,
Qәm әydi qamәtimi, kәdәr bükdü dizimi.
Qara buludlar aldı bәmbәyaz gündüzümü –
Mәn yaşamaq istәdim,
Mәn yaşaya bilmәdim.

Bir dә gördüm, İlahi, tayalarım taylanıb,
Gedәn ömrüm, sәn demә, gәlәnlәrә paylanıb.
Doğulduğum torpağa yetim-yetim boylanıb,
Mәn yaşamaq istәdim,
Mәn yaşaya bilmәdim.