Page 460 - "Azərbaycan ədəbiyyatı antologiyası" (Poeziya)

Azÿrbaycan ÿdÿbiyyatû antologiyasû

Quş oldum

Nadanların dünyasında boğuldum,
Haldan çıxıb, yaman sındım, kiçildim.
Günahımı ha aradım, görmәdim,
Yerdәn-göydәn әl götürüb seçildim.

Dәli dә mәn, yaman da mәn, tәrs dә mәn,
Yazıq olub, varlığıma heç dedim.
Yeri-göyü, yaradanı unudub,
Sәn dәlisәn! Yolumuzdan keç, dedi.

460 Mәn sınmazdım, nadan mәnә vay tutdu,
Dirigözlü cәhәnnәmә tuş oldum.
Yer üzündә qanadları qırılmış,
Aman tanrım, bir yiyәsiz quş oldum.

Mәni dindirәn olmasın

Qәmin donuna girmişәm,
Qәm nә olduğun bilmişәm,
Onun oynuna gülmüşәm,
Mәni dindirәn olmasın.

Bu dünyanın qәmindәyәm,
Böyük eşqin dәmindәyәm,
Yerlәr, göylәr dәmindәyәm,
Mәni dindirәn olmasın.

Dәrgahımın yolu uzun,
Tanrım, qoyma yolda azım,
Yer üzündәn elә pozun,
Mәni dindirәn olmasın.