Page 296 - "Azərbaycan ədəbiyyatı antologiyası" (Poeziya)

Azÿrbaycan ÿdÿbiyyatû antologiyasû

Qurban verәrdim

Mәnә bircә kәlmә can söylәsәydin,
O bircә kәlmәnә min can verәrdim.
Ömrümü, günümü dәrd eylәsәydin,
Ömrümü, günümü dәrman verәrdim.

O günlәr necә dә mәnә haydılar,
Könlümә, gözümә şәfәq yaydılar.
Keçәn günlәrimi qaytaraydılar,
296 Gәlәn günlәrimi qurban verәrdim.

Elә ayrıldıq ki, sәninlә, ey gül,
Bir dә ayrılıqdan ayrı düşmәrik.
Ah, bu son hicranın vüsalı müşkül,
Dağ dağa rast gәlәr, biz görüşmәrik.

Bezdirdim qәlbini sәdaqәtimlә,
Qaldım hәsrәtimlә, müsibәtimlә,
Könlümü alsaydın, bu zülmәtimlә,
Sәnә bir işıqlı cahan verәrdim.

Ürәkdәn, candan

Azmı tufanlara üz çevirdiyim,
Quduz dalğalara göyüs gәrdiyim,
Şeir dünyasına könül verdiyim
Dünyanı duyduğum andandır mәnim.

Gözәllik önündә ruhum oynayıb,
Parlaq incilәrdәn gözüm doymayıb,
Ulu ustadlara qanım qaynayıb,
Onlara uymağım qandandır mәnim.