Page 227 - "Azərbaycan ədəbiyyatı antologiyası" (Poeziya)

iaüa Kör÷aylû

Yadına düşürәmmi? 227

Qaldı arxada artıq ömrün xoşbәxt illәri,
İndi mәnim әlimә dәymәz sәnin әllәrin.
Söylә hәrdәn әsәndә soyuq payız yellәri,
Dağılanda üzünә o pәrişan tellәrin,
Deyirsәnmi olaydıq eşqin gәnclik yazında?
Heç olmasa xәyalın dumanlı aynasında
Sәninlә bir anlığa gәlib görüşürәmmi?
Yadına düşürәmmi?

Sәadәt fürsәtini qaçırtdıq sәn dә, mәn dә,
Onu köhlәn at kimi salmalıydıq kәmәndә,
Hәrdәn sevda yolunu azıb dumanda, çәndә,
Sәnә ümid verәcәk bir işıq görmәyәndә,
Bәlәdçi olurammı cığırlar arasında?
Heç olmasa xәyalın dumanlı aynasında
Sәninlә bir anlığa gәlib görüşürәmmi?
Yadına düşürәmmi?

Gәl indi xatırlayaq bütün olanları biz,
Özümüz yazmalıykәn hökmü biz, qәrarı biz,
Taleyin әllәrinә verdik ixtiyarı biz,
Günah kimdәdir, görәn? Mәn bilmirәm! Barı biz
Bir nişanә qoymadıq xatirә dünyasında.
Heç olmasa xәyalın dumanlı aynasında
Sәninlә bir anlığa gәlib görüşürәmmi?
Yadına düşürәmmi?