Page 69 - antologiya - poeziya_175x250_Layout 1
P. 69
Õóðøèäáàíó Íàòÿâàí
***
Keçibdi mövsimi-gül, getdi növbahar, әfsus!
Qalıbdı bülbüli-biçarә xarü zar, әfsus!
Riyazi-izzü şәrafәtdә bir gül açmışdı,
Qopardı ol gülü gülçini-ruzigar, әfsus!
O gül ki, qibtә edәrdi ona behişti-çәmәn
Tutubdu indi yer altında o, qәrar, әfsus!
O gülbәdәn ki, ipәk köynәk incidәrdi onu,
Olubdur indi o, torpaqla xakisar, әfsus! 69
Sәn Allah, ey qara torpaq, onu әziz saxla!
Odur mәnim gözümün nuru, ey mәzar, әfsus!
O taza ay hәlә bәdr olmamış tamamü-kamal
Batırdı ol ayı bu çәrxi-ruzigar, әfsus!
O pak olan uca göylәrdә bürci-Xurşiddәn
Parıldadı uca bir ulduz, oldu tar, әfsus!
