Page 38 - antologiya - poeziya_175x250_Layout 1

Azÿrbaycan ÿdÿbiyyatû antologiyasû

Tiri-qәmzәn atma kim, bağrım dәlәr, qanım tökәr,
İqdi-zülfün açma kim, aşüftәhal eylәr mәni.

Dәhr vәqf etmiş mәni növrәs cәvanlar eşqinә,
Hәr yetәn mәhvәş әsiri-xәttü xal eylәr mәni.

Ey Füzuli, qılmazam tәrki-tәriqi-eşq kim,
Bu fәzilәt daxili-әhli-kәmal eylәr mәni.

* * *
38
Öylә sәrmәstәm ki, idrak etmәzәm dünya nәdir,
Mәn kimәm, saqi olan kimdir, meyü sәhba nәdir?

Gәrçi canandan dili-şeyda üçün kam istәrәm,
Sorsa canan bilmәzәm kami-dili-şeyda nәdir?

Vәsldәn çün aşiqi müstәğni eylәr bir vüsal,
Aşiqә mәşuqәdәn hәrdәm bu istiğna nәdir?

Hikmәti-dünyavü mafiha bilәn arif deyil,
Arif oldur bilmәyә dünyavü mafiha nәdir.

Ahü fәryadın, Füzuli, incidibdir alәmi,
Gәr bәlayi-eşq ilә xoşnud isәn, qovğa nәdir?

* * *

Can vermә qәmi-eşqә ki, eşq afәti-candır,
Eşq afәti-can olduğu mәşhuri-cahandır!

Sud istәmә sevdayi-qәmi-eşqdә hәrgiz,
Kim, hasili-sevdayi-qәmi-eşq ziyandır!