Page 267 - "Azərbaycanın enerji siyasəti Qərb mətbuatında"

Àçÿðáàéúàíûí åíåðæè ñèéàñÿòè Ãÿðá ìÿòáóàòûíäà

Yaxın vaxtlara kimi “BP” Azәrbaycan qazının Avropaya
ixracı üçün yeni qaz kәmәrlәrinin çәkilmәsindәnsә, “BOTAŞ”
boru kәmәrlәrindәn istifadәni tәklif edirdi. Görünür,
“BOTAŞ” seçimi “BP”-nin “TANAP”-a dair maraqlarının
olmaması ilә әlaqәdardır.

“Nabukko”nun “kitabı bağlandı”1

10 il davam edәn siyasi vә kommersiya çәkişmәlәrindәn
sonra “Şahdәniz” konsorsiumu, nәhayәt, 28 iyun tarixindә
Azәrbaycan qazının Yunanıstan, İtaliya vә Cәnub-Şәrqi
Avropa istehlakçılarına çatdırılmasında “Trans-Adriatik
boru kәmәri”ni (“TAP”) seçdiyini elan etdi.

London Qlobal Enerji Tәdqiqatları Mәrkәzindә energetika
sahәsi üzrә analitik Culian Li “Yeni Avropa” qәzetinә
verdiyi müsahibәdә bildirirdi: “Düşünürәm ki, Azәrbaycan
qazının Türkiyәnin qәrbindәn Avropaya çatdırılmasına xidmәt
edәn marşrutla bağlı qәrar, qazın satış qiymәtlәri vә nәqliyyat
tariflәrinin әlaqәlәndirilmәsinә әsaslanmalıdır”.

“Nabukko” layihәsindә, hesablamaların elә ilk gündәn
yanlış aparıldığı artıq aydın olmuşdu. “Nabukko” payçıları
sonralar layihәnin ixtisar variantı olan Türkiyә-Bolqarıstan
sәrhәdindәn Avstriyaya qәdәr uzanacaq qaz kәmәrinin,
“Nabukko-West”in üzәrindә öz seçimlәrini etdilәr. Onlar
ümid edirdilәr ki, bu kәmәr Azәrbaycan qazını Türkiyәnin
Avropa sahillәrinә çatdıracaq “Trans-Anadolu qaz boru
kәmәrinә (“TANAP”)” qoşulacaq. Lakin “Şahdәniz” kon-
sorsiumu 28 iyunda keçirilәn toplantıda “TANAP” vә
“TAP”-ın birlәşdirilmәsi qәrarına gәldi. Bu isә “Nabukko”nun
tamamilә kәnarda qalması demәk idi.

1 http://www.neurope.eu/article/nabucco-fat-lady-has-sung by Kostis Geropoulos
28.06.2013

267