Page 549 - "Azərbaycan ədəbiyyatı antologiyası" (Poeziya)

ßlizadÿ Nuri

Bәlkә, buludlar da gizlicә sözdü... 549

İlahi, ruhumun tәknәsi boşdu,
İlahi, ruhumun acan yeridi.
Göy üzü quşların mәskәnidirsә,
Söz dә şairlәrin uçan yeridi.

Uduzduq bu ağlı kәmlәrin üstә,
Getdik şikayәtә kimlәrin üstә?
Tanrı göndәrdiyi qәmlәrin üstә,
Hamıdan qabaqda bu can yeridi...

Canım qәm biçirdi, biçindә idi,
Qәm dә bu qiymәtdә, bu çindә idi...
O ulduz ovcumun içindә idi,
O ulduz göylәrә haçan yeridi?

Şairin qanadı ikicә sözdü,
Sözdü gün işığı, bu gecә sözdü...
Bәlkә, buludlar da gizlicә sözdü, –
Yağışlar bu sirrә açar yeridi?!