Page 95 - antologiya - poeziya_175x250_Layout 1
P. 95
Ñÿìÿä Ìÿíñóð
Gәncineyi-eşq, ancaq olur gәncә müqәddәr,
Sönmüş, soyumuş qәlb olamaz eşq ilә әnvәr,
Qurmuş mәnә eşqin bu gün, ey mәh, belә mәhşәr
Kim qaynatıyor beynimi bir şöleyi-azәr,
Dünyanı unutdum, mәnә yalnız budur әzbәr:
Yüz il yaşaram, bir gün әgәr sәn mәnim olsan,
Sәn, ey qәdi-rәna, üzü susәn, mәnim olsan!
Bir vәqt sanırdım özümü dәhrdә kamil,
Eşqin elәmiş indi mәni hәr şeyә cahil,
Bir sel kimi eşq sürüklәr mәni ğafil,
Girdabi-mәhәbbәtdә görünmәz mәnә sahil,
Nә әrz, nә qәrin görürәm, kәndimә hail,
Olmuş, yenә eşqin elәmiş fikrimi zail, 95
Endirsә qәza zәrbә dә gәr acilü-acil:
Yüz il yaşaram, bir gün әgәr sәn mәnim olsan,
Sәn, ey qәdi-rәna, üzü susәn, mәnim olsan!
Olmazmı müyәssәr sәnә bu nalәvü әfğan,
Ey zülfü pәrişan, sәni etmәzmi pәrişan,
Bir gün olacaqmı sәni görmәk mәnә asan,
Ya bir baxışın sineyi-mәcruhimә dәrman,
Asari-tәrәhhüm o cәbinindә nümayan –
Olsun mәnә, gәl könlüm evin eylәmә viran,
Basmış, bürümüş olsa bütün alәmi tufan,
Yüz il yaşaram, bir gün әgәr sәn mәnim olsan,
Sәn, ey qәdi-rәna, üzü susәn, mәnim olsan!
Bilmәm nә şikayәt eylәyim nurdәn, ey nur,
Әnvardә nöqsan nәrәdәn olmalı mәqdur?
Sanmam ki, gözәllikdir edәn kәndini mәğrur,
Vәziyyәti-hal etdi sәni zalimü mәcbur,
Saldın nәzәri-mәrhәmәtindәn mәni sәn dur,
Bir xoş baxışın etmәdi bu qәlbimi mәsrur,
Ey canlı çiçәk, haqlı deyilmi desә Mәnsur:
Yüz il yaşaram, bir gün әgәr sәn mәnim olsan,
Sәn, ey qәdi-rәna, üzü susәn, mәnim olsan!
