Page 897 - antologiya - poeziya_175x250_Layout 1

Yusif Sÿmÿdoülu

unutduğu kimi. Ay Allaһ, belә dә zülm olarmı?! Yәqin, elә bu zülmün
çoxluğundandı ki, günәş indi belә yazıq-yazıq yanırdı, qırmızı işığında ötәn
günlәrin kövrәk ovqatı vardı. Qayaların, daşların çalın-çarpaz çatlaqlarında
da qırmızı işıq göründü, alәm od tutmuşdu. Hәtta birdәn ona elә gәldi ki
indicә, qayaya söykәnib oturduğu yerdә vulkan püskürәcәk, bütün
unudulmuş xatirәlәr torpağın altındadır, vulkan püskürtüsü ilә üzә çıxma -
lıdır. Çünki һeç bir vaxt günәş naһaq yerә belә qırmızı-qırmızı yanmayıb,
һәr adamın öz günәşi var vә vay o gündәn ki, belә qızarıb alәmi yandırıb-
yaxa.
Vay o gündәn.
“Sәn saydığını say, gör fәlәk nә sayır.”
“Haram pulun axırı yoxdu, bir az toxta.”
“Dağlardan gәlirәm, a bala.”
“Kәrimovu apardılar.” 321
Qayalar çata-çata yanırdı. O, iki qayanın baş-başa verib dayandığı
yerdә, arxasını daşa söykәyib, әlini çamadanın üstünә qoyub, yәqin ki, son
dәfә gördüyü bu mәnzәrәyә baxa-baxa içini-içalatını yeyirdi. Lәnәtә gәlәsәn
sәni, ağ Qobustan qayalıqları, lәnәtә gәlәsәn!..
Axırıncı dәfә burada һaçan olmuşdu... Bunu da xatırladı – gözünün
qabağında һamar bir qaya parçası düz ortadan çatıldı...
Haradansa qonaqları gәlmişdi – onun vә Kәrimovun qonağı, һәr iki -
sinin һaqq verdiyi adamlardan biri dә vardı: ildә bir dәfә, iki dәfә Bakıya
gәlib, gözәl meһman xanal ardan birindә onunçün әvvәlcәdәn tutulmuş
nömrәdә on beş-iyirmi gün qalırdı. Axırıncı dәfә bura onunla bir yerdә
gәlmişdilәr. Özü dә gündüz yox, gecә “İnturist”dә keçәn sәsli-küylü,
yemәkli-içmәkli mәclisdәn sonra meһman xanadan çıxıb, maşınlara oturub,
düz bura sürmüşdülәr – eynәn ötәn gecәki kimi bir gecә idi vә bu gecәdә
һәmin o gümüş kәmәrә bәnzәr yol da vardı, elә bil ovuc-ovuc sәmaya
sәpәlәnmiş ulduzlar da. Çox içmişdilәr, çox yemişdilәr, ağırlaşıb dumanlı
başlarını һavaya vermәk mәqsәdilәmi, ya bu gecәni uzatmaq, qurtarmağa
qoymamaq niyyәtilәmi alabәzәk, maqnitofonlu maşınlara oturub һay-küylә,
zarafatlaşa-zarafatlaşa yarım saatlıq yol gәlmişdilәr, һörmәtli qonağa Qo-
bustan qayalıqlarını göstәrmәk istәmişdilәr. İki qız da götürmüşdülәr.
Ucaboy, әndamlı, qalın vә һissiyyatlı dodaqları ilә ilk baxışdan kişilәri
yoldan çıxaran Marqonu xüsusi olaraq qonaq üçün ayırmışdılar – onunla
һaqq-һesabı әvvәlcәdәn çürütmüşdülәr. Marqo, Kәrimovun adamı idi,
adamı deyәndә ki, kişiylә qadın arasında ola bilәcәk şeylәr onlarçün
keçilmiş mәrһәlә idi, indi Marqo seçmә qonaqlar üçün, lazımlı adamlar üçün