Page 76 - antologiya - poeziya_175x250_Layout 1
P. 76
Azÿrbaycan ÿdÿbiyyatû antologiyasû
***
Daş qәlbli insanları neylәrdin, ilahi?!
Bizdә bu soyuq qanları neylәrdin, ilahi?!
Artdıqca hәyasızlıq olur el mütәhәmmil,
Hәr zülmә dözәn canları neylәrdin, ilahi?!
Bir dövrdә kim, sidqü sәfa qalmayacaqmış –
Bilmәm belә dövranları neylәrdin, ilahi?!
Mәzlumların göz yaşı dәrya olacaqmış –
76 Dәryaları, ümmanları neylәrdin, ilahi?!
Sәyyadi-cәfakardә rәhm olmayacaqmış –
Ahuları, ceyranları neylәrdin, ilahi?!
Bağın, әkinin xeyrini bәylәr görәcәkmiş –
Töxm әkmәyә dehqanları neylәrdin, ilahi?!
İş rәncbәrin, güc öküzün, yer özününkü, –
Bәyzadәlәri, xanları neylәrdin, ilahi?!
Hökm eylәyәcәkmiş bütün alәmdә cәhalәt –
Dildadeyi-irfanları neylәrdin, ilahi?!
Surtuqlu müsәlmanları tәkfirә qoyan bu,
Döşdüklü müsәlmanları neylәrdin, ilahi?!
Yaxud buların bunca nüfuzu olacaqmış –
Beş-üç bu süxәndanları neylәrdin, ilahi?!
Qeyrәtli danosbazlarımız iş bacarırkәn –
Tәnbәl, dәli şeytanları neylәrdin, ilahi?!
Әrlәr hәrә bir qız kimi oğlan sevәcәkmiş –
Evlәrdәki nisvanları neylәrdin, ilahi?!
