Page 323 - antologiya - poeziya_175x250_Layout 1

Firuzÿ Mÿmmÿdli

Ömür ritmlәri

Nә yoğurub-yapdım onu,
Nә itirib, tapdım onu.

Qayalardan çapdım onu,
Qoy yaşatsın dağ bu ömrü.

Hüsnünә gözәl demәdim,
Gedişinә "gәl" demәdim.
"Qal" demәdim, "öl" demәdim,
Daşıyıram sağ bu ömrü.
323
Meyl etmәdi sәfәrlәrә,
Möhür oldu çәpәrlәrә.
Savaşlara, zәfәrlәrә,
Qaldırdım bayraq bu ömrü.

Daha doydurub mәni dә,
Susanı da, dinәni dә.
Qәlәm istәyir tanıda
Gәlәcәyә şah bu ömrü.

Neynirәm e... tanınmağı,
Kaş olmasın danılmağı.
Bir dә hәrdәn yanılmağı,
Olmasın, Allah, bu ömrün.

Durmur qanı damarında,
Olsun Tanrı amanında.
Yetmiş beşin tamamında,
Tanıdım, vallah, bu ömrü.