"Xəzər" dünya ədəbiyyatı jurnalının yeni sayı çapdan çıxdı

I "Beynəlxalq Səhnə Əsərləri Müsabiqəsi"-nin qalibi "Mənsur Həllac" pyesi jurnalın bu sayında.

"Xəzər" dünya ədəbiyyatı jurnalının növbəti (4/2015) sayı nəşr olunub.

Jurnalın bu sayında:

* "Nobel kürsüsü" rubrikasında - 2015-ci ilin ədəbiyyat üzrə nobelçisi Svetlana Aleksiyeviçin Nobel nitqi və "Tabut oğlanlar" hekayəsi;

* "Azərbaycan ədəbiyyatı" rubrikasında A. Məsudun "Mənsur Həllac" pyesi;

* "Bəşəri poeziya" rubrikasında Oktavio Pasın şeirləri və müsahibəsi;

* "Məktublar" rubrikasında Tomas Vulfun məktubları;

* "Klassik hekayələr" rubrikasında Adolfo Kasaresin "Qəbri necə qazmalı" hekayəsi;

* "Latın Amerikası poeziyası" rubrikasında Kolumbiya şairlərinin şeirləri;

* "Esse" rubrikasında Uiston Hyu Odenin "Mən"i olmayan adam" essesi;

* "Yaddaş" rubrikasında İbn Fədlanın "Səyahətnamə"-si;

* "İspan modernizmi" rubrikasında Antonio Maçadonun şeirləri;

* "100 il" rubrikasında Haldun Tanərin "Kəşanlı Əli dastanı" pyesi və digər maraqlı yazılar təqdim olunur.