“Leyli və Məcnun” operası xarici KİV-də

El Salvador Respublikasının məşhur “Literatura y poesía” (“Ədəbiyyat və poeziya”) facebook səhifəsi Dövlət Tərcümə Mərkəzinin “Azərbaycan həqiqətləri beynəlxalq virtual aləmdə” layihəsi çərçivəsində müxtəlif dillərdə hazırlanmış “Müsəlman Şərqinin ilk operası – Leyli və Məcnun” tanıtım videoçarxının ispan dilində yayınına başlayıb.

Videoçarxda dünya musiqisi tarixinə müsəlman Şərqinin ilk operası kimi daxil olmuş əsərin müəllifləri – böyük Azərbaycan bəstəkarı Üzeyir Hacıbəyli və dahi Azərbaycan şairi Məhəmməd Füzuli ilə bağlı məlumatlarla yanaşı, bu sənət şedevrinin yaranma tarixçəsindən də bəhs edilir.