Page 467 - "Azərbaycan ədəbiyyatı antologiyası" (Poeziya)

z qәddini әyәcәksәn, Baba Vÿçiroüëu
“Hayif ondan” deyәcәksәn.
Dizlәrinә döyәcәksәn, 467
Mәndәn bir dә olmayacaq.

Yatma belә, hәlә oyan,
Getmә belә, hәlә dayan.
Sәni sevәn sәni duyan,
Mәndәn bir dә olmayacaq!!!

Sevirәm de sәn...

Alışan od olsun, yanan mәn olum,
Dağlara qış gәlsin, donan mәn olum.
Hәr sözü doğru ol, yalan mәn olum,
Tәkcә gözlәrinlә sevirәm de sәn...

Mәndәn vüqar istә, dağtәk ucalım,
Mәndәn nәğmә istә, könlümü çalım.
Sevmәk hәlә tezsә, istә, qocalım,
Tәkcә gözlәrinlә sevirәm de sәn...

Dağ olub yaşınsan, dumanın olum,
Bu ilk mәhәbbәtә gümanın olum.
Dolanım başına, qurbanın olum,
Tәkcә gözlәrinlә sevirәm de sәn...

Bulaq ol, nәğmәli daşına dönüm,
Ömür ol, yazına-qışına dönüm.
Söz nәyә gәrәkdi, başına dönüm,
Tәkcә gözlәrinlә sevirәm de sәn...

Ömrünә sevgiylә gәlәn mәn olum,
Sәninlә dәrdimi bölәn mәn olum.
Qoy bu sәadәtdәn ölәn mәn olum,
Tәkcә gözlәrinlә sevirәm de sәn!..