Page 445 - "Azərbaycan ədəbiyyatı antologiyası" (Poeziya)

Adil Mirseyid

әlvida 445

daha mәnә tәsәlli yox
yay gecәlәrindә belә sәnin sәsin soyuq
yay gecәlәrindә belә güzgülәr buz kimi
yay gecәlәrindә belә buz bağlamış güzgülәrdәn
ölüm baxır gözlәrimә bir qara kabus kimi
daha mәnә tәsәlli yox

daha yollarım bağlı
әlim ayağım qollarım bağlı
yenә çıldırıb ölümün ağlı
uzaqlarda uzaqlarda xınalı dağlar
xınalı dağlarda analar ağlar
uzaqlarda ay işıqlı bir dәniz
mәni güllәlәyin siz
daha yollarım bağlı

әlvida dağlar әlvida
ölülәr sağlar әlvida
әlvida könül ahlarım
әlvida günahlarım
yollarda qaldı gözlәrim
dindirmә mәni laldı gözlәrim

güzgüdәki adam

adam öz adını unudur bәzәn
bir sәhәr güzgüyә baxıb görür ki
gözlәri qan çәkib güzgüdәki adamın
güzgüdәki adam çıx güzgüdәn
çıxmasan güzgünü sındıraram mәn
amma inanma sözümә

gücüm çatmaz bu güzgüyә
gücüm çatsa da әl qaldırmaram