Page 141 - antologiya - poeziya_175x250_Layout 1

Mÿmmÿd Ràhim

Azәrbaycanım mәnim.

Dünyanın çox çayı var,
Kim deyәr ki, tayı var
Kürümün, Arazımın.
Baharımın, yazımın
Gülşәni Odlar eli.
Babәkin, Koroğlunun
Vәtәni Odlar eli.
Sәnin sahillәrindә
Xәyallara dalmışam,
Baxıb çinarlarına
Çinartәk ucalmışam.
Suların can dәrmanı. 141
Qonaqcıllar içindә
Sәnin bәnzәrin hanı?
Dinim, imanım mәnim,
Azәrbaycanım mәnim.

Dünyanın çox dağı var –
Әzәmәtli, vüqarlı,
Yaxını, uzağı var,
Başı daima qarlı.
Zirvәsindәn bir dәfә
Xәbәr belә verәn yox,
O yerlәrә qalxmağa
Әsla yol göstәrәn yox.
Uca deyil gözümdә
Heç biri Şah dağımdan,
Öz ana torpağımdan
Qәşәng diyar bilmirәm,
Bәlkә dә, var, bilmirәm.
Sәnin әzәmәtini
Dünyada tәk sanıram.
Vüqarını dağlardan
Daha yüksәk sanıram.
Ölmәz ad-sanım mәnim,
Azәrbaycanım mәnim.