Page 437 - 1-ci cild

Ñàìóåë Áåêêåò
Bu nə yekun söz demək maniyasıdır?! Son söz artıq deyilib! (Yenə
A.-nı yamsılayır.) “Kiçik bir buruntaq”! Bu nə ideyabazlıqdı
belə?!

A. Sən əminsən ki, o, ağzını açıb bir söz deməyəcək?
R. Bəli. Ağzından bir söz də qaçırmayacaq. (Xronometrinə
baxır.) Daha vaxtım yoxdu. Zaldan baxaram. (Gedir.)

R. bir daha səhnədə görünməyəcək. A. özünü kreslonun üstünə
atır, sonra cəld ayağa qalxır, cibindən əsgi çıxarıb hiddətlə
kreslonun belini və oturacağını silir, sonra
əsgini yerə tullayıb yenidən oturur. Pauza.

R. (səhnə arxasından; elə bil uşaq zırıldayır). Ayaq
barmaqlarını görmürəm. (Əsəbi.) Birinci sırada oturmuşam, ancaq
ayaq barmaqlarını görmürəm.

A. (ayağa qalxaraq). Yazıram.

A. qeyd dəftərini və karandaşı götürüb yazır.

(Bərkdən.) “Pyedestalı qaldırmaq”.

Dəftəri cibinə, karandaşı qulağının ardına qoyur.

R. (eyni tərzdə). Sifəti görünə bilər.
A. Yazıram.

Qeyd dəftərini və karandaşı götürüb yazmaq istəyir.

R. Başını aşağı əy.

A. onu anlamadığı üçün hirslənir.

Get onun başını aşağı əy.

A. qeyd dətərini cibinə, karandaşı qulağının ardına qoyub, Q.-
nin yanına gedir və onun başını daha da
aşağı əyib kənara çəkilir.

437